Një shpërthim i fuqishëm është dëgjuar pas mesnate në një kantier në ndërtimi në Tiranë. Policia në një njoftim për mediat thotë se rreth orës 01:15 të 1 gushtit është dëgjuar shpërthimi i ngjashëm me tritol ose lëndë piroteknike.
Kantieri në ndërtim ndodhet në rrugën “Reshit Çollaku” në kryeqytet. Rrethanat ende nuk janë të qarta, por raportohet se nuk ka persona të lënduar dhe as dëme materiale.
“Më datë 01.08.2024, rreth orës 01:15, në rrugën ‘Reshit Çollaku’, në një kantier në ndërtim, është dëgjuar një shpërthim, i ngjashëm me lëndët plasëse ose lëndët piroteknike. Si pasojë nuk ka dëme materiale dhe as të lënduar”, njofton policia.
Grupi hetimor po vazhdon punën për sqarimin e mëtejshëm të rrethanave të ngjarjes, shtuan të njëjtat burime.
Discussion about this post