Të paktën 16 persona kanë vdekur dhe 32 të tjerë janë plagosur pas një shpërthimi, i cili goditi një xhami gjatë lutjeve të së premtes në qytetin afgan të Kandahar.
Sipas BBC, shpërthimi ndodhi në xhaminë Iman Bargah. Fotografitë nga vendi i ngjarjes tregojnë dritare të copëtuara dhe trupa të shtrirë në tokë, ndërsa të tjerët përpiqen të ndihmojnë.
Shkaku i shpërthimit nuk është ende i qartë, por dyshohet për një sulm kamikaz. Besimtarët e plagosur po dërgohen në spitalin Mirëais. ISIS pritet që të konfirmojë sulmin.
Të premten e kaluar, një sulm vetëvrasës ndaj një xhamie ndodhi gjatë lutjeve të së Premtes në qytetin verior të Kunduz, ku vrau të paktën 50 njerëz. ISIS tha se kreu sulmin, i cili ishte më vdekjeprurësi që kur forcat amerikane u larguan në fund të gushtit.
ISIS është kundërshtshtari më i madh i talebanëve që kur ata morën pushtetin qeverisës dhe ka kryer disa bombardime kohët e fundit.
