Një shpërthim me eksploziv ka ndodhur mbrëmjen e sotme në lagjen nr 3 në Durrës. Shpërthimi me eksploziv ka ndodhur në një banesë. Nga raportimet mësohet se banesa i përket Ilir Koçiljas, i cili pak ditë më parë, pas një sherri për parkimin e makinës, vrau me thikë fqinjin e tij Halil Koka.
Mësohet se nga shpërthimi nuk ka pasur dëme në njerëz, ndërsa policia ndodhet në vendin e ngjarjes. Nga raportimet mësohet se tritoli ishte vendosur në pjesën e jashtme të dritares së banesës së Koçiljas dhe në momentin e shpërthimit nuk ka pasur njerëz në shtëpi.
Koçilja u arrestua nga policia e Durrësit pak orë pas krimit.
Durrës/Informacion paraprak
Më datë 26.02.2024, rreth orës 19:55, në lagjen nr.4, Durrës, në pjesën e jashtme të dritares së banesës së shtetasit I. K., në të cilën nuk banon njeri, është hedhur dhe ka shpërthyer një sasi e vogël lëndë plasëse duke shkaktuar vetëm dëme materiale.
Grupi hetimor ndodhet në vendngjarje dhe nën drejtimin e Prokurorisë vijon punën për zbardhjen e ngjarjes identifikim dhe kapjen e autorit/ve.
Discussion about this post