Një shpërthim me eksploziv ka ndodhur mbrëmjen e kaluar në Durrës, ku i është vendosur lëndë plasëse biznesit të qytetares Jonida Karaboja.
Bëhet me dije se nga shpërthimi ka pasur vetëm dëme materiale, ndërsa banorët e zonës janë shqetësuar nga zhurma.
Autoritetet ndodhen në vendngjarje ku po hetohen rrethanat e shpërthimit, ndërsa pritet monitorimi i kamerave rreth zonës për të parë nëse kanë fiksuar autorin.
Lexo edhe: U shënuan 51 humbje jete, tre vite nga tërmeti fatal i 26 nëntorit
Njoftimi i policise:
Durrës/Informacion paraprak
Në orët e para të mëngjesit, në lagjen nr. 7, Durrës, në qepenin e një butiku në pronësi të shtetases J. K., ka shpërthyer një sasi e vogël, e dyshuar lënde plasëse. Për pasojë, janë shkaktuar dëme të vogla materiale.
Në ambientet e Komisariatit të Policisë Durrës janë shoqëruar disa shtetas dhe vijon puna intensive nga grupi hetimor, nën drejtimin e Prokurorisë, për sqarimin e rrethanave të ngjarjes, identifikimin dhe kapjen e autorit/ëve.
Discussion about this post