Shpërthim në një ndërtesë të Gjermanisë, 12 të plagosur

Dhjetë zjarrfikës dhe dy policë mbetën të plagosur pas një shpërthimi në një ndërtesë apartamentesh në qytetin perëndimor të Gjermanisë Ratingen.

Sipas informacioneve, shpërthimi mund të jetë i qëllimshëm dhe të jetë shkaktuar nga një lëndë plasëse.

Policia dhe zjarrfikësit mbërritën në vendngjarje për një problem në një apartament dhe kur mbërritën u dëgjua një shpërthim në derën e tij.

Në apartament jetonte një grua së bashku me djalin e saj, ndërsa besohet se ky i fundit mund të ketë ndezur ndonjë pajisje që ka shkaktuar shpërthimin.