Një sasi e vogël tritoli dyshohet se ka shpërthyer në zonën e Yzberishtit në Tiranë pak para mesnatës. Ngjarja ka ndodhur rreth orës 23:30, në rrugën “Thoma Koxhaj”, ku sipas policisë dyshohet se ka plasur një sasi e vogël lëndë plasëse në qepenin e një dyqani.
Banorët kanë denoncuar për shpërthim të fortë dhe tym pranë qepenit të një servisi celularësh ndërsa biznesi ka qenë i mbyllur. Ka dëmtime të pjesshme materiale dhe fatmirësisht pa pasoja në njerëz. Dyshimet janë se eksplozivi është vendosur pranë biznesit si një mesazh paralajmërues.
Forca të shumta të policisë dhe anti-eksplozivi rrethuan menjëherë vendin e ngjarjes ku bënë dokumentimin e provave për të zbuluar shkaqet dhe rrethanat e shpërthimit.
Discussion about this post