Në zyrat qendrore të KEDS-it në Prishtinë ka ndodhur një shpërthim, si pasojë është lënduar një person. Lajmi është konfirmuar edhe nga zëdhënësi i KEDS-it, Viktor Buzhala, i cili gjithashtu ka bërë me dije se personi i lënduar është dërguar në spital për të marrë ndihmë mjekësore.
“Ka ndodhur një shpërthim gjatë operimeve. Një punëtor është lënduar gjatë inspektimit. Është njoftuar policia dhe ndihma e shpejtë. Punëtori është jashtë rrezikut për jetë nga të dhënat që i kemi marrë nga spitali”, ka thënë Buzhala.
Kosova po përballet me krizë energjitike gjatë kohëve të fundit, ku është raportuar se herë pas herë shumë zona nuk janë furnizuar me energji elektrike. Lidhur me këtë Ministria e Ekonomisë njoftoi se çdo rast i ndërprerjes së furnizimin me energji elektrike te qytetarët do të hetohet.
Discussion about this post