Ministrja e Shëndetësisë Ogerta Manastirliu, ka vizituar në spitalin e “Traumës” në kryeqytet, katër pjesëtarët e familjes Gjoka, të cilët u plagosën rëndë këtë mëngjes nga shpërthimi i bombolave të gazit në hotelin e tyre në Velipojë.
Mjekët e kanë cilësuar gjendjen e katër pjesëtarëve, si tejet të rënde. Kujtojmë se shpërthimi ndodhi mëngjesin e sotëm.
Mesohet se, 40-vjeçarja A. Gjoka, ishte ngritur në mëngjes për të përgatitur kafe dhe pikërisht në këtë moment ka ndodhur shpërthimi i fuqishëm.
Dyshohet se më parë ka pasur një rrjedhje gazi të bombolave më të vogla, çka ka çuar më pas në shpërthimin e fuqishëm, i cili është dëgjuar në një pjesë të mirë të plazhit të Velipojës.
