“Cristiano ka vetëm një ambicie dhe ajo është të tërhiqet me më shumë Topa të Artë se Messi dhe unë e di sepse ai më tha kështu ”, ishin fjalët e Pascal Ferré , kryeredaktor i revistës ‘France Football’,përgjegjës për dhënien e Topit të Artë . Fjalë të diskutueshme dhe që bënë xhiron e botës, por që janë gënjeshtra sipas sulmuesit portugez.
Në një foto të publikuar në rrjetet e tij sociale, lojtari i Manchester United ka dashur të mohojë deklaratën e Pascal Ferré me një mesazh që sulmon figurën e gazetarit, duke e akuzuar atë se ka “përdorur” imazhin e tij për të “promovuar veten”.
Për lojtarin, ajo që tha Pascal Ferré ishte “e papranueshme”. ” Ai gënjeu përsëri sot, duke justifikuar mungesën time në Gala me një karantinë të supozuar që nuk duhet të ekzistojë, ” tha ai. Ndryshe nga sa tha gazetari francez, sulmuesi pohon se “ambicia më e madhe” e tij është të lërë emrin e tij “të shkruar me shkronja të arta ” në historinë e sportit.
Mesazhi i Cristianos
“Rezultati i sotëm shpjegon pse deklaratat e Pascal Ferré javën e kaluar, kur ai deklaroi se i besoja atij se ambicia ime e vetme ishte të përfundoja karrierën time me më shumë Topa të Artë sesa Lionel Messi.
Pascal Ferré gënjeu, ai përdori emrin tim për të promovuar veten dhe për të promovuar botimin për të cilin punon. Është e papranueshme që personi përgjegjës për dhënien e një çmimi të tillë prestigjioz mund të gënjejë në këtë mënyrë, në mungesë respekti absolut ndaj dikujt që ka respektuar gjithmonë France Football dhe Topin e Artë. Dhe ai gënjeu sërish sot, duke justifikuar mungesën time në Gala me një karantinë e supozuar që nuk duhet të ekzistojë.
Dua të përgëzoj gjithmonë ata që fitojnë, brenda sportit dhe lojës së ndershme që e kanë udhëhequr karrierën time që në fillim, dhe e bëj këtë sepse nuk jam kurrë kundër askujt. Unë fitoj gjithmonë për veten time dhe për klubet që përfaqësoj, fitoj për veten time dhe për ata që më duan.
Ambicia më e madhe e karrierës sime është të fitoj tituj kombëtarë dhe ndërkombëtarë për klubet që përfaqësoj dhe për kombëtaren e vendit tim. Ambicia më e madhe e karrierës sime është të jem shembull i mirë për të gjithë ata që janë apo duan të jenë futbollistë profesionistë. Ambicia më e madhe e karrierës sime është ta lë emrin tim të shkruar me shkronja të arta në historinë e futbollit botëror.
Do të përfundoj duke thënë se vëmendja ime tashmë është te ndeshja e radhës me Manchester United dhe te gjithçka që, së bashku me shokët e skuadrës dhe tifozët tanë, mund të arrijmë ende këtë sezon. Pjesa tjetër? pjesa tjetër është vetëm pjesa tjetër”, mbyll reagimin e tij Cristiano Ronaldo.
Discussion about this post