Mbrëmjen e së premtes u vendos tritol në automjetin e noteres Rezarta Koçi. Nga shpërthimi pati vetëm materiale, pasi mjeti ishte i parkuar. Policia nuk ka mundur ende t’i zbardhë plotësisht shkaqet e ngjarjes, teksa ka nisur hetimi.
Vendosja e tritolit ka ardhur si pasojë e konflikteve të mëparshme të Koçit, ky është dyshimi kryesor i hetuesve. Sipas informacioneve, që prej 2019-ës ndaj noteres janë kryer 4 kallëzime për vepra të ndryshme penale. Shpërdorim detyre, mashtrim, fshehje e të ardhurave dhe mospagim i taksave dhe tatimeve.
Rezarta Koçi dyshohet se u ka përvetësuar 4 kallëzuesve shuma të konsiderueshme parash, një hotel dhe kontrata shitje të pasurive të paluajtshme. Nisur nga këto kallëzime të bëra në vitin 2019, hetuesit dyshojnë se ato janë pikërisht shkaku i vendosjes së tritolit.
Nuk përjashtohet mundësia se numri i personave të mashtruar prej noteres është më i madh.
Ngjarja ndodhi në zonën ë njohur si “Komuna e Parisit”, ku mjetit luksoz tip “Range Rover’ në pronësi të noteres i ishte vendosur tritol në pjesën e përparme.
Discussion about this post