Erjon Rexhepi, 27-vjeçari i cili ndërroi jetë mesditën e sotme në Cërrik, i përket komunitetit rom. Burime bëjnë me dije se Rexhepi, mblidhte hekura e sende të ndryshme metalike, nëpër kazanat e plehrave dhe në shtëpia të ndryshme të zonës.
Personat e fundit që e kishin parë viktimën, i kanë thënë policisë së Cërrikut se Rexhepi kishte gjetur një granatë dhe e mbante në dorë. Paraprakisht, lënda shpërthyese që besohet se i ka marë jetën 27-vjeçarit, dyshohet se është një granatë dore.
“E kemi këtu në lagje, ishte cun i mirë. Tani nuk e di çfarë i ka ndodhur. Ka familje me dy a tre fëmijë se di mirë. Njihej si person i qetë, nuk di që të kete biznese. Mendoni se ishte atentat? Unë isha në shtëpi nuk kam dëgjuar asgjë”, tha një banor.
Discussion about this post