Tre burra janë arrestuar pasi akuzohen për terrorizëm në një shpërthim taksie jashtë Spitalit të Grave në Liverpool. Si pasojë e shpërthimit mbeti i vrarë një burrë.Pasagjeri që ndodhej në taksi u deklarua i vdekur në vendngjarje dhe ende nuk është identifikuar zyrtarisht.Shoferi mashkull ka mbetur i plagosur dhe ndodhet në spital në gjendje të qëndrueshme.
Detektivët nga Policia e Kundër Terrorizmit North West thanë se tre burra,të moshës 29, 26 dhe 21 – u arrestuan në zonën e Kensington të qytetit.
Autoritete njoftuan se po punojnë për zbardhjen e shkaqeve të këtij shpërthimi, teksa oficerët e armatosur kanë kryer kontrolle në zonat përreth.Negociatorët e policisë janë në vendngjarje, një ekip zjarrfikës është në gatishmëri dhe një numër banorësh janë evakuuar.
Një shtëpi është bastisur nga policia pasi dyshohet se ka lidhje me shpërthimin e bërë. Banorët vendas thanë se nuk kishin parë askënd që vinte apo dilte nga prona për disa javë, madje mendonin se ishte e pabanuar. Rruga mbetet e rrethuar dhe disa banorë janë evakuuar.
Policia u pa gjithashtu në zonën Kensington të qytetit që ndodhet rreth një milje larg spitalit.Dëshmitarët okularë thanë se panë burra të arrestuar dhe pranga. Ata u çuan nga oficerë të armatosur në një makinë. Edhe ajo rrugë mbetet e rrethuar.
Discussion about this post