Shpërthimi me tritol në lokalin dhe dyqanin në pronësi të Rigels Rajkut, i njohur si Noizy ka lënë të tronditur njerëzit që banojnë pranë. Një prej fqinjëve u shpreh për mediat se dëgjuan një shpërthim shumë të fuqishëm, ndërsa tha se i është thyer xhami i ballkonit dhe i makinës.
“Dëgjuam një krismë, u trembëm shumë. Pata dëmtim në derën e jashtme të ballkonit. Më është thyer edhe xhami i makinës”, u shpreh fqinji.
Një sasi lënde plasëse i është vendosur lokalit të reperit të njohur, Noizy mëngjesin e sotëm në Durrës. Mësohet se shpërthimi ka ndodhur rreth orës 4 të mëngjesit, ndërsa nuk dihen ende rrethanat.
Kujtojmë që reperi i njohur Noizy dy dite më parë u përfshi në një sherr me ish-anëtarin e TBA Kleviol Ahmetin, i njohur si Cllevio. Ne videon, e cila u bë virale në rrjet duket Noziy së bashku me disa miq të tij dhunojnë pa mëshirë Kleviol Ahmetin në mes të rrugës dhe besohet se tritoli sot është hakmarrje.
Discussion about this post