Autoritetet turke po hetojnë shkakun e shpërthimit vdekjeprurës në sheshin Taksim në Stamboll, ndërkohë që një grua dyshohet si autorja e sulmit.
Sipas informacioneve, para shpërthimit, sulmi ka ndodhu në zonën e Sishaneh, afër rrugës Istiklal, ku 6 persona kanë humbur jetën dhe mbi 50 janë plagosur.
Personat që ndodheshin në zonë u larguan drejt dyqaneve të zonës për të shpëtuar veten. Faqja turke ODA TV raportoi se një grua me gjatësi rreth 1.65 u pa duke vendosur një pako në rrugën Istiklal.
Tashmë në Twitter, përdoruesit e aplikacionit po publikojnë foton e saj të turbullt. Erdogan njoftoi se po hetohet roli i një gruaje në shpërthimin vdekjeprurës.
Në deklaratat e tij më herët, presidenti turk Rexhep Tajip Erdogan iu referua një gruaje që po hetohet për rolin e saj në “sulmin tinzar”, siç e cilësoi ai.
“Do të ishte gabim të thuash se ky është padyshim terrorizëm, por indikacionet e para dhe informacioni që na ka përcjellë guvernatori im i parë është se këtu ka një erë terrorizmi. Vlerësimet e para janë se një grua ka luajtur një rol në atë që ka ndodhur. Si shefi i policisë së Stambollit ashtu edhe guvernatori ynë po hetojnë shpërthimin dhe kamerat nga vendi i ngjarjes po analizohen. Më pas do të bëjmë njoftimet përfundimtare”, tha Erdogan.
Discussion about this post