Si pasojë e shpërthimit që tronditi dje Stambollin, të paktën 6 persona kanë humbur jetën dhe 81 të tjerë janë plagosur. Ngjarja e rëndë ndodhi rreth orës 16:20, në një rrugë tregtare në zonën e Sheshit Taksim në qendër.
Ministri i brendshëm tha se tashmë një person i dyshuar për sulmin është arrestuar. Bëhet fjalë për një grua kurde. Zëvendëspresidenti Fuat Oktay tha më herët se shpërthimi mendohej të ishte një sulm terrorist i kryer nga një grua.
Lexo edhe: A ka shqiptarë të lënduar nga shpërthimi në Stamboll? Reagon konsullata
Presidenti Rexhep Tajip Erdogan tha se autorët do të ndëshkohen. Duke folur në një konferencë shtypi në Stamboll, ai dënoi atë që ai e quajti “sulm i poshtër” dhe tha se “era e terrorit” ishte në ajër.
Discussion about this post