Prej disa ditësh vazhdon zjarri në Kepin e Rodonit dhe tashmë shpëtim mbetet vetëm shiu. Ndërkohë që zjarret janë shtuar edhe si pasojë e temperaturave të larta, zjarrfikëset e Durrësit janë duke u përballur edhe me mungesën e mjeteve të nevojshme për tu lehtësuar punën. Në vapën përvëluese zjarrfikësit nga Durrësi po luftojnë për shuarjen e vatrave te zjarrit me mjete primitive.
Forcat zjarrfikëse kanë udhëtuar për më shumë se 8 kilometra në këmbë në zonën e thelle të Rodonit për shkak se terreni i thepisur nuk ka lejuar hyrjen e automjeteve me ujë. Kjo pasi mjetet për shkak të terrenit janë bërë të papërdorshme.
Me mjete rrethanore zjarrfikësit kanë bërë të mundur shuarjen e kësaj vatre zjarri duke vënë edhe jetën e tyre në rrezik. Janë disa vatra ende aktive në Kepin e Rodonit, madje edhe punonjësit zjarrfikës duket se janë dorëzuar, pasi e shohin shpëtimin vetëm nga reshjet e shiut për të shuar flakët, pasi edhe ndërhyrja nga ajri ka dështuar.
Discussion about this post