Gjykata Kushtetuese vendosi shfuqizimin e vendimit të Kuvendit të Republikës së Shqipërisë për shkarkimin e Presidentit Ilir Meta. Pas vendimit të Gjykatës, Meta ka dhënë qëndrimin e tij.
Në një intervistë për RTSH, kreu i shtetit theksoi se nuk ka pasur asnjë emocion për këtë çështje.
“Nuk kam pasur asnjë lloj emocioni për çështjen ne Gjykatën Kushtetuese. Kam pritur te zgjidhej me herët. Kjo zgjatje nuk me ka shqetësuar sepse fundin e kam ditur për sa kohe nuk kam bere shkelje as te rende dhe as te lehte. Ky ka qene një proces politik për ta përdorur si mjet shantazhi. Nuk kam pasur asnjë shqetësim për një çështje e cila ka qenë inekzistente, sepse jo vetëm nuk kam bere as shkelje te rende dhe as te lehte te Kushtetutes, por edhe kam qenë i bindur që ky ka qenë një proces politik”, është shprehur presidenti.
Po ashtu Meta shtoi se e gjithë kjo situatë politike u bë për të tërhequr vëmendjen nga afera korruptive e inceneratorëve. Meta është shprehur se Presidenti nuk ka shkelur asnjë ligj dhe as një nen të Kushtetutës së Republikës së Shqipërisë.
Discussion about this post