Presidenti kolumbian Gustavo Petro u dha medalje 86 shpëtuesve, ushtarakë dhe vullnetarë indigjenë të cilët morën pjesë në operacionin masiv të kërkim-shpëtimit për të gjetur katër fëmijët që endeshin për 40 ditë në xhungël pasi i mbijetuan rrëzimit të aeroplanit.
“Nuk ka asnjë pyetje nëse mençuria perëndimore apo tradicionale është më e rëndësishme… Kombinimi i tyre riktheu fëmijët”, tha presidenti kolumbian.
En una sola imagen: @petrogustavo pic.twitter.com/8KxPKpsG4o
— Andrés Hernández R. (@AndresCamiloHR) June 26, 2023
Anëtarët e fisit Uitoto, katër fëmijët – 1, 4, 9 dhe 13 vjeç, i mbijetuan përplasjes së Cessna 206 në të cilën ata po udhëtonin me nënën e tyre dhe një të afërm tjetër. Nëna dha frymën e saj të fundit katër ditë pas rrëzimit të aeroplanit, i cili gjithashtu mori jetën e dy të rriturve të tjerë në bord (përfshirë pilotin dhe një pasagjer).
Fakti që të katër fëmijët mbijetuan për 40 ditë në xhungël është falë njohjes së tyre me bimësinë e dendur, por edhe guximit të 13-vjeçares që udhëhoqi vëllezërit e motrat e saj. Katër vëllezërit mbeten nën vëzhgimin mjekësor në spital, por qeveria thotë se shëndeti i tyre po përmirësohet
Një medalje iu dha edhe trajnerit të qenit Wilson, një bari belg që mori pjesë në operacion dhe u zhduk në mënyrë misterioze, pasi më parë kishte rënë në gjurmët e katër fëmijëve. Pas shpëtimit të fëmijëve ka pasur një mobilizim të madh për lokalizimin e qenit, por pa rezultat.
Discussion about this post