Kombëtarja e Shpresave ka zhgënjyer ndaj Sllovenisë në ndeshjen kualifikuese të kampionatit Europian të vitit 20233. Kuqezinjtë e drejtuar nga trajneri Alban Bushi u mundën me shifrat 3-0 duke komplikuar ecurinë drejt kualifikimit në këtë kompeticion që do të ishte historik për skuadrën shqiptare. Për kuqezinjtë ishte humbja e dytë në këtë fazë eliminatoresh.
Shqipëria e nisi mirë lojën por sulmuesi Ernest Muçi gaboi nga penalltia në minutën e tretë të ndeshjes çka ndikoi më pas në ecurinë e lojës. Nuk mjaftoi vetëm gabimi i Muçit teksa dy gafa në mbrojtje i dhanë avantazhin e dyfishtë vendasve të cilët më pas në të 75 minut shënuan edhe golin e tretë. Një humbje dramatike e Shqipërisë që udhëtoi drejt Sllovenisë me pritshmëri të larta.
Discussion about this post