Skuadra e Interit po kalon një periudhë mjaft të mirë teksa ka ngushtuar diferencat me kreun e renditjes si dhe është kualifikuar në turin tjetër të Ligës së Kampionëve. Forma e mirë e zikaltërve ka edhe kostot e saj pasi mediat italiane raportojnë se dy mbrojtësin Andrea Ranoçhia dhe Matteo Darmian janë dëmtuar dhe do të mungojnë së paku në duelin ndaj Romës në fundjavë.
Ky repart ka shfaqur shpesh herë probleme gjatë këtij sezoni teksa tekniku i zikaltërve duhet të improvizojë me skemën. Një tjetër mungesë e madhe e kampionëve të Italisë është edhe De Vrij i cili u dëmtua gjatë grumbullimit me kombëtaren e Holandës. Gjithsesi nuk përjashtohet mundësia që mesfushori D’ambrossio të aktivizohet në mbrojtje në rast se nuk do të ketë rikuperime.
Discussion about this post