Shqipëria do të përballet mbrëmjen e sotme në Air Albania me Çekinë, në një ndeshje deçizive për kualifikimin për Euro 2024.
Fitorja e kuqezinjve do të thotë një hap i madh përpara kualifikimit në Europianin që do të luhet në Gjermani, por edhe barazimi është i favorshëm për Shqipërinë, e cila udhëheq grupin E.
Ndeshja e parë e zhvilluar në Pragë u mbyll pa fitues, në barazim 1-1.
Por cila është vlera e secilës kombëtare, bazuar në vlerën e kartonit që ka në treg çdo futbollist?
Republika Çeke vlerësohet me 125.65 mln euro, kurse ajo e Shqipërisë është 107.7 milionë.
Por kjo diferencë pritet të mos ketë ndonjë ndikim mbrëmjen e sotme, ku kuqezinjtë do të kenë si aleatin kryesor lojtarin e 12-të, tifozerinë e zjarrtë që do mbushë Air Albania.
Discussion about this post