Lëvizja “Shqipëria Bëhet” ka prezantuar zyrtarisht Eligert Himën si kandidat për zgjedhjet e pjesshme vendore në Bashkinë e Cërrikut, që pritet të mbahen më 9 nëntor.
Eligert Hima, i lindur në Gramsh në vitin 1986 dhe banues në Cërrik që prej vitit 1996, aktualisht jeton dhe punon në Romë, ku ka ndërtuar një karrierë të konsoliduar në fushën e hetimeve dhe sigurisë. Diplomuar për Hetuesi dhe Kriminologji në Universita Popolare di Milano. Hetues privat i licencuar nga Ministria e Brendshme Italiane
Në prezantimin e tij, Hima theksoi se rikthimi në vendlindje është një zgjedhje e ndërgjegjshme për të sjellë eksperiencën perëndimore në shërbim të komunitetit.
“Kam vendosur të rikthehem për të kontribuar me vullnet, dije dhe transparencë. Cërriku meriton më shumë dhe besoj se një model i ri politik është i mundur, edhe në bashki të vogla”, – është shprehur kandidati.
Zgjedhjet e pjesshme në Cërrik do të jenë një provë për alternativat jashtë forcave tradicionale, ku “Shqipëria Bëhet” synon të shfaqet si zë ndryshe në skenën lokale.
Discussion about this post