Në një kohë kur ministrat, drejtorat po përfundojnë pas hekurave për vjedhje dhe korrupsion, kur pothuaj një pjesë e mirë e kryebashkiakëve, ku listën e prin ai i Tiranës, Erion Vdeliaj, po hetohen nga SPAK, ndër të cilët një numër j i vogël edhe kanë përfunduar pas hekurave, kryeministri Rama vazhdon propagandën se Shqipëria vazhdon të shkëlqejë dhe po bëhet fanar ndricues edhe për Europën.
Në një vend ku shefat e policisë dhe drejtuesit e lartë të saj, në vend që të frenojnë krimin në vend, po ndajnë parcelat e kanabisit dhe të drogës në vend.
Sipas Rames shqiptarët kanë fatin që po jetojnë përiudhën më të lumtur dhe begatinë e vendit, ndonëse ata po tregohen ‘mosmirënjohës’ duke lënë këtë jetë lluksi në Shqipëri dhe marrin rrugët e Europës.
Edhe sot, gjatë diskutimit me qytetarët në rubrikën ‘Sy më sy’, kryeministri Edi Rama theksoi se pavarësisht qëndrimit ndaj qeverisë, njerëzit duhet të gëzohen për zhvillimin e Shqipërisë. Rama deklaroi se qeveria e PS do të vazhdojë të qëndrojë disa vite, të paktën deri në anëtarësimin në BE.
Ai përmendi suksesin e turizmit dhe u shpreh se shqiptarët duhet ta vlerësojnë këtë përparim. Në fund, iu drejtua personalisht dikujt me emrin Paulin, duke e ftuar të shijojë sukseset e vendit.
Edi Rama: Postova qëparë tabelën e UN Turism, organizata gjithëbotërore e turizmit ku janë anëtare të gjithë vendet e OKB. Mirëpo disa miq këtu kishin disa gjëra ndryshe për të thënë ndaj ia vlen të bëj një koment “Sy m’sy”.
Komentuesi: Ne ja kalojmë Greqisë për turizëm?? Kush i nxjerr këto marrëzira!!Vetëm ne portin e Pireut po te shkosh dhe te shikosh se sa turiste lëvizin neper ishujt, në as qe do t’i kemi për gjithë jetën tonë..
Edi Rama: Këtu flitet për rritje krahasimisht me vendet e mëparshme, sepse me numra absolutë as krahasohemi as nuk kemi pse krahasohemi. Këtu flitet se cili vend është zhvilluar më shumë në vitin që lanë pas.
Mos të duash këtë qeverinë time të poshtër, nuk duhet të të pengojë të gëzohesh për Shqipërinë. Qeveritë shkojnë e vijnë edhe pse kjo e PS do të ketë edhe disa vite këtu derisa të fusim Shqipërinë në BE, të paktën, por tek e fundit Shqipëria mbetet përjetë. Dhe kur Shqipëria shkëlqen si në turizëm dhe e thonë të tërë, s’ke pse ja kursen vetes një buzëqeshje mor Paulin. Por nejse ti e di vetë
Discussion about this post