Shqipëria feston sot 110 vite pavarësi, mes një atmosfere ekonomike të rënduar nga kriza, inflacioni dhe lufta. Më 28 nëntor 1443 Gjergj Kastrioti Skënderbeu, ngriti flamurin kombëtar në kalanë e Krujës.
Ndërkaq, më 28 nëntor të vitit 1912, Ismail Qemali ngriti flamurin kombëtar në Vlorë dhe shpalli pavarësinë e Shqipërisë. Kjo ditë shënon pavarësinë e kombit shqiptar. Këtë përvjetor të Pavarësisë u mbajt Kuvend i përbashkët mes Shqipërisë dhe Kosovës.
Mbledhja u mbajt në Kuvendin e Shqipërisë, ku mbajtën fjalime kryeparlamentarët Lindita Nikolla dhe Glauk Konjufca, kryeministrat Edi Rama e Albin Kurti dhe krerët e grupeve parlamentare.
Lexo edhe: 110 vjet pavarësi, Google befason shqiptarët për festën e madhe
Aktivitete të tjera kulturore priten me rastin e Festës së Pavarësisë dhe në vijim edhe në kremtim të 29 nëntorit, Dita e Çlirimit të Shqipërisë nga Gjermania naziste.
Sakaq ditën e sotme nuk kanë munguar as urimet nga të dyja kampet politike.
Kryeministri Edi Rama ka uruar Festat e Nëntorit me disa foto të publikuara në rrjetet sociale, në të cilat shfaqet me këngëtaren shqiptare me famë botërore, Dua Lipa.
Kjo e fundit ditën e djeshme mori edhe nënshtetësinë shqiptare, duke u betuar si shtetasja më e re shqiptare. Ndërsa, mbrëmjen e sotme pritet të performojë në sheshin Skënderbej. Dua ka vendosur ta bëjë mbylljen e turneut të saj botëror “Future Nostalgia” në tokën shqiptare.
Edhe kreu i Partisë së Lirisë, Ilir Meta ka uruar qytetarët shqiptarë. Përmes një postimi në Facebook, Meta shkruan patriotizmi, sakrificat dhe gjaku i derdhur për Flamurin Kombëtar duhet të jenë “pishtari” i shqiptarëve për të ecur përpara.
Ish-kryetari i Partisë Demokratike, Lulzim Basha ka uruar ditën e Pavarësisë në një postim në llogarinë e tij në Twitter. Basha thotë se 28 Nëntori është dita e madhe që bashkon shqiptarët “në mirënjohje të thellë për veprën e heronjve dhe dëshmorëve të Kombit”.
Gëzuar 28 Nëntorin,ditën e madhe që na bashkon në mirënjohje të thellë për veprën e heronjve e dëshmorëve të Kombit. Sakrifica e tyre në altarin e lirisë e mban ndezur në zemrën e çdo shqiptari flakën e besimit tek e nesërmja.Zoti e bekoftë Shqipërinë e shqiptarët kudo ku janë!?? pic.twitter.com/qmDEHYUxxN
— Lulzim Basha (@lulzimbasha_al) November 28, 2022
Kreu i Partisë Demokratike Sali Berisha me anë të një video të postuar në TikTok ditën e sotme ka uruar qytetarët për Ditën e Pavarësisë teksa ka thënë se Pavarësia e vendit është festa e të gjitha festave të shqiptarëve.
Berisha shtoi se vendi po përballet me një problem shumë të madh, që i cili sipas tij është “regjimi i politikave që ndjek me antireformat që realizon dhe me plaçkitjet që i bën pasurisë kombëtare dhe fondeve publike”, që sipas tij po largojnë shqiptarët.
@prof.dr.saliberisha Të dashur miqtë e mi, Me këtë mesazh dëshiroj t’ju uroj nga zemra Gëzuar Ditën e Flamurit! Ditën e Pavarësisë së Shqipërisë! #sb
Discussion about this post