Ministrja e Energjetikës dhe Infrastrukturës, Belinda Balluku ka dhënë një deklaratë ditën e sotme ku ka bërë me dije se qeveria shqiptare do të ndihmojë Kosovën në përballimin e krizës energjitike me të cilën po përballet. Kjo ndihmë do të jepet në formën e huas, që pritet të kthehet në stinën e verës.
“Kemi arritur që të sigurojmë 7680KË për datën 31 e 1 të këtij fundviti. Kjo depozitë që do të dorëzohet brenda këtij muaji, do i kërkojmë të na kthehet gjatë stinës së verës, nga qershori deri në muajin shtator”, tha ndër të tjera Balluku.
Ndërkohë në postimin në rrjete sociale shkruhej se qeveria shqiptare do t’i japë Kosovës energji elektrike për dy ditët e festës së fundvitit.
“Shqipëria do t’i japë Kosovës energji për dy ditët e festës që ndan vitet. Ministrja Belinda Balluku komunikon vendimin e marrë”, shkruan Balluku.
Ashtu siç u deklarua edhe nga kryeministri Edi Rama, qeveria shqiptare do të furnizojë me energji për dy ditë për festat e fundvitit, shtetin e Kosovës. Kosova po kalon një periudhë të vështirë, përsa i përket furnizimit me energji elektrike të shumë zonave, duke lënë në errësirë për orë të tëra qytetarët. Albin Kurti në një prononcim u shpreh se kjo vjen si pasojë e keqqeverisjes nga paraardhësit e tij.
Discussion about this post