Pas sanksioneve të vendosura nga shumica e vendeve perëndimore kundër Rusisë, Moska nuk ka ndenjur duarkryq. Mediat e huaja raportojnë se Moska ka vendosur t’u përgjigjet me të njëjtën monedhë 36 vendeve evropiane, mes tyre edhe Shqipërisë, duke mbyllur hapësirën e saj ajrore.
Agjencia Interfax thotë se vendet e prekura nga kjo masë janë: Austria, Shqipëria, Anguilla (territor britanik përtej detit), Belgjika, Bullgaria, Ishujt e Virgjër Britanikë, Mbretëria e Bashkuar, Hungaria, Gjermania, Gjibraltari, Greqia, Danimarka (përfshirë Grenlandën, Ishujt Faroer ), Irlandë, Islandë, Spanjë, Itali, Kanada, Qipro, Letoni, Lituani, Luksemburg, Maltë, Holandë, Norvegji, Poloni, Portugali, Rumani, Sllovaki, Slloveni, Finlandë, Francë, Kroaci, Republika Çeke, Suedi, Estoni.
Linjat ajrore ruse po përdorin rrugë të tjera, për të udhëtuar nga territori i Kaliningradit drejt vendeve të detit Baltik, pasi Bashkimi Europian vendosi mbylljen e hapësirës ajrore.
Aktualisht në Bjellorusi po mbahen bisedimet për paqe mes Rusisë dhe Ukrainës, ku kjo e fundit kërkon armëpushim dhe tërheqje të menjëhershme të trupave ruse.
Discussion about this post