Shqipëria do të luajë fatet e saj për kualifikueset e kampionatit botëror të martën ndaj Polonisë në “Air Albania”. Kuqezinjtë renditen në vendin e dytë dhe do të synojnë fitoren ndaj polakëve për të blinduar këtë pozicion që të kualifikon në fazën play off. Një ndeshje shumë e rëndësishme për të dyja ekipet teksa UEFA ka caktuar një arbitër të një niveli shumë të lartë për këtë përballje.
Ky duel do të drejtohet nga francezi Clement Turpin, ndërsa ndihmës të tij do të jenë, Danos, Gringore dhe Bouqet ndërsa në VAR, Jeroma Brisard dhe Amaury Delerue. Gjyqtari në fjalë ka drejtuar ndeshjet kryesorë në kampionatin europian të këtij viti. Një faktor që tregon rëndësinë e madhe të këtij dueli.
