Policia e Shtetit njoftoi se është përfshirë në një operacion ndërkombëtar në luftën kundër kontrabandës dhe trafikimit.Në operacionin e quajtur “Mobile 4” mësohet se janë përfshirë 23 shtete në të cilat janë kryer kontrolle kufitare dhe rrugësh në të gjithë Evropën. Aktivitetet kanë çuar në sekuestrimin e 518 automjeteve të vjedhura. Oficerët gjetën gjithashtu disa makina luksoze të vjedhura nga Evropa Perëndimore që u gjetën në Poloni, Republikën Çeke, Lituani dhe Sllovaki, si dhe 4 anije të vjedhura.
Si pasojë e bashkëpunimit mes INTERPOL-it, FRONTEX-it dhe EUROPIL-t, janë sekuestruar sukses qindra automjete dhe pjesë automjetesh të vjedhura, 1000 emigrantë të parregullt dhe arrestuan 31 kontrabandistë të qënieve njerëzore.
Mësohet se janë bastisur në të njëjtën kohë serviset, të cilat çmontojnë automjetet e vjedhura dhe lehtësojnë kontrabandën e pjesëve, dhe kryen kontrolle në rrugë. Nga kjo rezultoi 400 pjesë automjetesh të vjedhura, si dhe 140 letërnjoftime dhe dokumente automjetesh të falsifikuara.
Kontrollet e mëtejshme nga forcat e rendit në automjetet rrugore dhe varkat zbuluan 1 000 emigrantë të parregullt që po kontrabandoheshin në BE, duke çuar në arrestimin e 31 kontrabandistëve të emigrantëve.
Operacioni ka përfshirë 16 vende evropiane në 6 vende të Ballkanit Perëndimor
Në hetim u përfshinë oficerë policie dhe roje kufitare nga 23 shtete të Evropës dhe Ballkanit Perëndimor.
Discussion about this post