Një nga debatet më të përfolura në shtëpinë e “Big Brother VIP” nga mediet rozë është ai mes Ilirit dhe Donaldit. Nga shokë shumë të mirë, Donaldi dhe Iliri tani janë shumë larg me njëri-tjetrin, diçka për të cilën të gjithëve na erdhi pak keq.
Mirëpo, balerini gjatë një bisede me Sabianin, me të cilin ka krijuar një marrëdhënie shumë të mirë gjatë qëndrimit në shtëpinë më të famshme, kanë folur për Donaldin, ku ky i fundit e ka sugjeruar të sqarohet me aktorin dhe t’i mbyllin diskutimet një herë e mirë.
“Nëse mendon se Donaldi është djalë i keq ta them unë që nuk është. Unë mendoj të sqarohesh dhe ta mbyllim këtë muhabet. Aq ditë sa do qëndrojmë këtu, le të qëndrojmë në harmoni duke bërë shaka me njëri-tjetrin.”
Nisur nga kjo bisedë me mikun e tij më të mirë, Iliri ka shkuar për të folur me Donaldin, duke i kërkuar të mbyllin çdo keqkuptim dhe madje duke i kërkuar të falur.
“I vetmi shqetësim që kam pasur ishte akuza jote për ngacmim ndaj Semit dhe ndaj vajzave. Atë unë nuk e përtyp dot.”
Donaldi jo vetëm që u shpreh shumë i hapur për të mbyllur debatet mes tyre, por edhe ai i kërkoi gjithashtu të falur, duke u shprehur se nuk ka dashur ta prekë në asnjë moment.
“Nuk kam dashur të të prek në asnjë moment, për atë pjesë të kërkoj shumë falje.”
Discussion about this post