Një stuhi e fuqishme ka goditur sot Shqipërinë, duke shkaktuar kaos dhe probleme në disa qytete kryesore. Me erëra të forta dhe reshje të dendura shiu, moti i keq ka ndikuar në trafikun rrugor, ajror dhe detar.
Moti i keq ka detyruar Aeroportin Ndërkombëtar “Nënë Tereza” të ndërpresë përkohësisht operacionet. Pista është përfshirë nga era dhe shiu i fortë, duke bërë të pamundur uljen dhe ngritjen e avionëve. Kjo ka shkaktuar një trafik të pazakontë ajror, ku disa avionë u përpoqën të ulen me shpejtësi.
Në Tiranë, stuhia ka rrëzuar disa pemë pranë zonës së “Stadiumit Dinamo”, ndërsa në Durrës, reshjet intensive kanë paralizuar trafikun. Edhe në Lezhë, situata është jo problematike, ku rrugët në zonën e Shëngjinit janë përmbytur. Moti i keq ka ndikuar edhe në jug të vendit; Kapiteneria e Portit të Vlorës ka pezulluar lundrimin për mjetet e vogla detare dhe të peshkimit, duke i bërë thirrje qytetarëve të marrin masa sigurie.
Autoritetet në të gjithë vendin u kanë bërë thirrje qytetarëve dhe drejtuesve të mjeteve të shmangin lëvizjet e panevojshme dhe të tregohen të kujdesshëm për shkak të kushteve të përkeqësuara atmosferike.
Discussion about this post