Minutat e para të sfidës ndërmjet Shqipërisë dhe Polonisë flasin në favor të kuqezinjve. Shqipëria ka zbritur dy herë me kundërsulme por pa mundur të kërcënojnë sa duhet portën e Sheznit. Ishte fillimisht Manaj që pati një mundësi të artë për të pasuar për Uzunin që ishte i lirë në zonë por zgjodhi të godiste nga një pozicion shumë i vështirë duke humbur një rast të shkëlqyer për të rrezikuar.
Kuqezinjtë kishin një tjetër rast të shkëlqyer pak minuta më pas. Pas një kominimi të bukur, Roshi futet në zonë dhe tenton të gjejë shokët e skuadrës por miqtë që luajnë me pesë mbrojtësa morën masat menjëherë duke neutralizuar rrezikun. Të dyja skuadrat po luajnë mjaft mirë teksa goli mungon.
