Shqipëria do të marrë pjesë në Samitin për Demokracinë i cili do të mbahet në SHBA. Vendi ynë është ftuar nga presidenti Joe Biden.
Në fokus do të jetë lufta kundër korrupsionit, mbrojtja nga autoritarizmi dhe përforcimi i të drejtave të njeriut.
Në listë përfshihen 100 shtete nga rajoni ynë, ku do të jenë të pranishme Mali i Zi e Maqedonia e Veriut, ndërsa janë lënë jashtë Kosova, Serbia, Turqia dhe Bosnje Hercegovina. Këto dy të fundit janë kritikuar gjatë për mungesën e parimeve demokratike.
Në një dokument të shpërndarë nga Shtëpia e Bardhë, krijimi i një aleancë në mbrojtje të demokracisë do të jetë edhe një përgjigje ndaj pikëpamjeve të përdorimit të internetit për të kontrolluar shtetet, tendencë e promovuar nga Kina dhe Rusia.
Ende nuk ka detaje të konfirmuara për sa i përket pjesëmarrësve, teksa ajo hapet me shprehjen e presidentit: “Demokracia nuk vjen aksidentalisht. Ne duhet ta mbrojmë, të luftojmë për të, ta përforcojmë dhe ta rinovojmë atë”.
Discussion about this post