Ish-kryeministri Sali Berisha është pritur me entuziazëm nga qindra demokratë mbrëmjen e sotme në Sarandë. Ata janë mbledhur para ambienteve të Pallatit të Kulturës për të pritur ish-liderin historik.
Me dy gishtat lart dhe thirrjet “Sali Berisha o hero” demokratë e Sarandës kanë pritur Berishën, i cili sapo ka zbritur nga makina u ka dhënë dorën simpatizantëve të tij. “Luli ik, largohu”, ishte thirrja e tyre në sallë, pak para nisjes së foltores.
Gjatë fjalës së tij Berisha reagoi me kritika ndaj kryeministri Edi Rama, për të cilin tha se e shndërroi vendin në delen e zezë të Ballkanit. Drejtuar mbështetësve në këtë “foltore”, ish-kryeministri tha se Kuvendi do të mblidhet dhe se do të vendosen normat më demokratike, për të ngritur një opozitë fitimtare.
Discussion about this post