Shqipëria renditet në 25 vendete me çmimin më të lartë të naftës në botë. Edhe pse ne jemi një nga vendet prodhues të naftës dhe gazit çmimet e tregtimit të tyre janë shumë të larta. Kështu tregon Open Data në raportin e saj.
Kujtojmë se vetëm gjatë 6 muajve të fundit çmimi i naftës është rritur 5 herë dhe pikërisht këtu qëndron problemi, sepse kostot e naftës vijojnë të ndjekin trend rritës. “Konkretisht, Shqipëria bën pjesë në 25 shtetet me çmimin më lartë të naftës në botë më shtrenjtë se vende me nivel të lartë jetesë si Gjermania, Spanja, Luksemburgu, Austria dhe Hungaria. Sipas të dhënave, 5 vendet me çmimin më të ulët janë Venezuela, Irani, Arabia Saudite, Siria dhe Angola”, thuhet në raport.
Çmimi i naftës në Shqipëri është më i lartin krahasuar edhe me vendete rajonit. Sipas ekspertëve kjo ndodh për shkak se ne kemi nivelin më të lartë të taksave për prodhimin dhe tregtimin e karburanteve.
“Krahasuar me vendet e Rajonit, Shqipëria është renditur si vendi i dytë me një diferencë të ngushtë të çmimit me Serbinë. Pavarësisht se Shqipëria është vend prodhues i naftës, përsëri çmimet janë shumë të larta krahasuar me vendet e rajonit të cilat nuk janë prodhuese. Arsyeja kryesore që çon në këtë nivel çmimi është niveli i lartë i lartë i taksave. Konkretisht shqiptarët paguajnë 5 lloj taksash”, raporton Open Data.
Aktualisht për 1 litër naftë, konsumatorët paguajnë 37 Lekë Akcizë për karburante, 27 Lekë/litër Taksë Qarkullimi dhe 3 Lekë/litër Taksë Karboni. Kësaj vlere i shtohet TVSH prej 20%, e cila po ashtu rëndon konsumatorin në masën rreth 33.4 Lekë/litër, duke bërë totalin prej 100.4 Lekë/litër vetëm taksa, pa marrë në konsideratë kosto të tjera të pikave të karburantit që operojnë në Shqipëri.
