Shqipëria do të nisë më 27 mars fushatën kualifikuese dhe për trajnerin, Sylvio Mendes Campos Júnior (i njohur shkurt si Sylvinho), debutimi do të jetë kundër Polonisë, teksa nuk do të ketë në dispozicion një ndeshje miqësore, pasi Federata Shqiptare e Futbollit (FSHF) nuk arriti në një marrëveshje me kombëtaren e Uzbekistanit, me të cilën flitej se mund të luhej një takim përgatitor.
Të gjithë tifozët dhe opinioni sportiv janë kuriozë se çfarë lojtarësh do të zgjedhë Sylvinho për këtë ndeshje.
Nëse do t’i referoheshim një formacioni hipotetik që tani duke u mbështetur në situatën e lojtarëve, në portë mendohet t’i besohet Etrit Berishës, me përjashtim të rikthimit të thomas Strakoshës, i cili ka kyçin e dëmtuar.
Ndërkohë, duke marrë edhe për bazë skemën 4-2-3-1, që braziliani ka përdorur, në mbrojtje do të rreshtoheshin: Ivan Balliu, Ardian Ismajli, Berat Djimsiti dhe Elseid Hysaj.
Ndërkohë, përpara mbrojtjes do të kishim: Amir Abrashi ose Klaus Gjasula dhe Kristijan Asllani. Ndërsa, para tyre: Myrto Uzuni, Nedim Bajrami, Endri Çekiçi ose Ernest Muçi dhe Sokol Cikalleshi në majë.
Discussion about this post