Kombëtarja e Shqipërisë sfidon sonte në mbrëmje Poloninë në transfertë në sfidën e vlefshme për grupin I të kualifikueseve të kampionatit botëror “Katar 2022”. Pak më parë është publikuar formacioni zyrtar i kuqezinjve teksa trajneri Edi Reja ka vendosur të rreshtoje ekipin me skemën 3-5-2.
Në portë do të jetë kapiteni Etrit Berisha, ndërsa 3-shja e qendrës së mbrojtjes do të përbëhet nga Kumbulla, Gjimshiti dhe Ismajli. Në mesfushë nga krahët do të veprojnë Hysaj dhe Trashi ndërsa në qendër do të aktivizohen Abrashi, Gjasula dhe Bare.
Në sulm trajneri Reja ka pasur më shumë dyshime, duke parë formën e mirë që po kalojnë Broja dhe Uzuni, gjithsesi në këtë repart do të konfirmohen Manaj dhe Cikalleshi.
