Shqipëria U-19 zyrtarizon dy ndeshje miqësore me Maqedoninë e Veriut në muajin mars

Kombëtarja U-19 do të zhvillojë dy ndeshje miqësore kundër Maqedonisë së Veriut në muajin mars.

FSHF bën me dije se dy federatat kanë rënë dakord që miqësoret të luhen në vendin tonë më 21 dhe 23 mars në stadiumin “Skënderbeu” të Korçës.

Takimi i parë Shqipëri – Maqedoni e Veriut do të zhvillohet më 21 mars në ora 15:00 teksa ndeshja e dytë do të luhet më 23 mars në ora 12:00.

Trajneri Julian Ahmataj dhe stafi teknik i ekipit kombëtar U-19 do të kenë mundësinë të testojnë dhe të shohin gjendjen aktuale të kuqezinjve në këto dy takime të rëndësishme.
Shqipëri – Maqedoni e Veriut, 21 mars, ora 15:00, stadiumi “Skënderbeu”

Shqipëri – Maqedoni e Veriut, 23 mars, ora 12:00, stadiumi “Skënderbeu”