Ernest Muçi ka arritur sërish të bëjë diferencën te skuadra e Legia Varshavës, dukë hyrë si titullar e shënuar në takimin e të dielës në mbrëmje kundër Piast Gilvice.
Ndërsa për të duket se ecuria te kjo skuadër është shumë pozitive dhe gjithmonë e më shumë në rritje, e njëjta gjë nuk mund të thuhet për dy shqiptarët e tjerë Jurgen Çelhakën dhe Lirim Kastratin.
“Meczyki.pl” raporton se dy lojtarët shqiptarë janë pezulluar, Çelhaka për shkak se nuk ka pranuar të aktivizohet me të rinjtë e Legias dhe nuk iu është bindur urdhrave të trajnerit.
Ndërsa Lirim Kastrati është pezulluar për prishje të atmosferës brenda skuadrës së bashku me 2 lojtarë të tjerë Lindsay Rose, Mattias Johansson.
Kjo situatë ka bërë që trajneri Michniewicz të shkojë në ndeshje vetëm me 5 alternativa në stol, duke lënë kështu jashtë grumbullimit, lojtarët e pezulluar./K.T/Gijotina.com
