Shqiptarët jo më kot shpesh janë etiketuar si “bosat e drogës”, sepse emri i tyre në shtetet fshqinje lidhet me trafikun e drogës. Gurdia di Finanza në Verona, ka arresuar një 31-vjeçar shqiptar për posedim të paligjshëm të drogës, me qëllim trafikimin, shkruajnë mediat italiane.
31-vjeçari i cili banonte në Sona të Veronës, kishte qenë prej kohësh nën vëzhgimin e policisë, për shkak të levizjeve të tij të dyshimta.
Ekipet e Guardia di Finanza, e kanë ndjekur të riun menjëhërë pasi ka dalë nga banesa e tij, me një makinë ‘Volkswagen’ dhe është drejtuar për në Verona. Pas itinerareve të dyshimta, ata kanë vendosur ta ndalojnë për kontroll në qytetin e Porto San Pancrazio.
Gjatë kontrollit, shenjat e nervozizmit të 31-vjeçarit dhe refuzimi i përgjigjeve për të dhënat e tij personale dhe pyetjeve të tyre, ka shtuar dyshimet e policisë, të cilët kanë thelluar kontrollin.
Forcat e GDF arritën t’i gjenin të fshehur me mjeshtëri në një hapsirë në kroskotin e makinës, më shumë së një kilogram heroinë të mbështjellur në një qeskë.
Hetimet u shtrinë edhe në banesën e shqiptarit në Sona, ku u gjend një sasi e vogël marihuane. Në një garazh në disponueshmëri të subjektit, u zbulua më pas një ‘laborator i vërtetë droge’.
Një kilogram shtesë marihuanë, 400 gramë heroinë, një aparat aerosol që përmbante reagjentë të heroinës, mbi 35 kilogramë substancë që shërben si përzierës, një kallëp metalik me pllaka të bashkangjitura, tipike për ato që përdoren për paketimin e “pllakave” të drogës, si dhe një presë pneumatike, dy përzierës dhe materiale të tjera të ndryshme (kaseta, qese celofani, etj.) për paketim dhe shitje.
Ai u arrestua dhe u shoqërua në burgun e Veronës, për posedim të paligjshëm të lëndëve narkotike me qëllim shitjen e tyre.
Vlera e heroinës së sekuestruar, sipas policisë arrinte në 10000 euro.
