Seria A do të rinisë sot pas pushimit të ndeshjeve të kombëtareve për kualifikueset e Botërorit ‘Katar 2022’, ndërsa në fushë pritet të zbresin edhe lojtarët shqiptarë.
Atalanta do të ndeshet me Spezian për javën e 13 të kampionatit italian, ndërsa mbrojtësi i Kombëtares shqiptare Berat Gjimshiti, i cili tashmë e ka kaluar dëmtimin, pritet t’i rikthehet vendit të tij të titullarit.
Skuadra e Gjimshitit vjen në këtë sfidë me 22 pikë të grumbulluara dhe mban vendin e katërt në tabelën e Seria A, ndërsa Spezia nga ana tjetër renditet në vend të 16 me 11 pikë.
Sfidë tjetër ku pritet të luajnë shqiptarët është ajo midis Lazios dhe Juventus. Lazio e Elseid Hysajt, Thomas Strakoshës dhe Vedat Muriqit vjen në këtë ndeshje me 21 pikë dhe qëndron në vendin e 5, ndërsa Juventus renditet në vend të 8 me 18 pikë.
Ende nuk dihet nëse ndonjë prej shqiptarëve do të jenë në formacion, por mungesa e Immobile për shkak të dëmtimit është një mundësi që Muriqi të zbresë në fushë.
Megjithatë kjo ndeshje pritet të ketë interes të madh, ndërsa nuk mund të përjashtohet surprizat në formacion./K.T/Gijotina.com
Discussion about this post