Sekretari i Grupit Parlamentar të PD-së, Arbi Agalliu, ka reaguar sot në lidhje me statistikat më të fundit të Eurostat, të cilat e rendisin Shqipërinë të fundit në Europë për të ardhurat për frymë dhe konsumin.
Përmes një postimi në rrjetin social Facebook, ai shprehet se do vazhdojmë të jemi në këtë situatë për aq kohë sa nuk do të ketë politika qeverisëse të bazuara mbi zhvillimin e qëndrueshëm. Agllaiu tha se nuk mund të rritet mirëqenia kur në vend mbizotëron korruopsioni.
“Shqipëria renditet e fundit në Europë për të ardhurat për frymë dhe konsumin. Të dhënat e publikuara nga Eurostat tregojnë edhe njëherë realitetin shqiptar. Edhe me vendet e rajonit diferenca është e konsiderueshme. E tille do të vijoj të jetë renditja për aq kohë sa nuk ka politika qeverisëse të cilat bazohen mbi zhvillimin e qëndrueshëm, liberalizimin e tregjeve, larg klientelizmit e mbi të gjitha një administratë e pa korruptuar”, shkruan Agalliu në një status në rrjete sociale. Raporti i Eurostat tregon se shqiptarët janë zhytur në varfëri pas pandemisë.
Discussion about this post