Shqiptari me emrin Erjol Nako nuk i ndaloi postbllokut të policisë dhe përfundoi duke u ndjekur si nëpër filma. Ikja e tij është bërë shkak i plagosjes së dy policëve në Romë ditën e sotme. Ngjarja ka ndodhur në zonën e Panteonit në Romë, ku policia ka bërë me shenjë që drejtuesi të ndalojë automjetin, por 39-vjeçari shqiptar nuk i është bindur urdhrit.
Policia është detyruar që të qëllojë drejt gomave të makinës për ta ndaluar atë, por megjithatë as kjo nuk e ka bërë të ndalojë. Më pas policia italiane ka arritur ta bllokojë automjetin, siç shihet në video, duke bërë të mundur arrestimin e 39-vjeçarit shqiptar që prishi qetësinë e Vatikanit dhe shkaktoi plagosjen dy policë gjatë ndjekjes.
Gjatë arratisjes, 39-vjeçari hodhi nga dritarja një portofol dhe një orë të fundit, sende të cilat janë duke u ekzaminuar nga hetuesit. Hetimet në lidhje me ngjarjen janë duke u zhvilluar për detaje të mëtejshme.
Discussion about this post