Një 20-vjeçar me origjinë nga Shqipëria është arrestuar në Spanjë, pasi është kapur me një sasi prej 3 kg kokainë dhe armë me vete.
Të martën e kaluar, më 8 nëntor, një grua telefonoi policinë duke njoftuar se kishte gjetur një pistoletë dhe disa pako që dukej se përmbanin drogë brenda banesës së saj në Eixample, siç raportohet nga Mossos përmes llogarisë së tyre në Twitter.
Gruaja kohët e fundit kishte dhënë me qira një dhomë në shtëpinë e saj në Calle Aragón, dhe ajo shkoi për t’u siguruar që gjithçka ishte në rregull.
Duke parë nëpër dhoma, disa pako i ranë në sy, por habia u rrit vetëm kur pa edhe një armë. Gruaja menjëherë thirri policinë të cilët gjetën drogën dhe arrestuan të riun.
Lexo edhe: “Zbërthehet” banda shqiptare e drogës në Spanjë, 11 të arrestuar
Discussion about this post