Një aksident i rëndë ka ndodhur mëngjesin e sotëm në zonën e Acireale në Itali ku një adoleshent 16-vjeçar ka ndërruar jetë.
Sipas mediave, i riu i cili udhëtonte me skuter Honda SH 125 dhe kishte kaskë mbrojtëse, është përplasur dhunshëm nga një fuoristradë Audi Q8, nën drejtimin e së cilës ishte një 23-vjeçar shqiptar.
Përplasja ka qenë fatale për të riun pasi edhe pse në vendin e ngjarjes në pak minuta mbërritën mjekët e urgjencës, ai kishte ndërruar jetë. Policia është duke hetuar rrethanat dhe shkaqet e ngjarjes, ndërkohë që i riu shqiptar është i nënshtruar testeve për të verifikuar nëse drejtonte apo jo nën efektin e alkoolit apo drogës, në pritje të rikonstruksionit të dinamikës së saktë të aksidentit fatal.
Discussion about this post