Tre persona janë arrestuar, 2 janë proceduar dhe një grua është shpallur në kërkim, pasi Policia e Tiranës ka zbuluar një shtëpi bari në Ndroq.
Dy prej personave të arrestuar janë punonjës të OSHEE-së, të cilët akuzohen për shpërdorim detyre, ndërkohë që në kërkim është shpallur një grua, e cila dyshohet se është edhe organizatorja, e kultivimit të bimëve të kanabisit në ambiente të mbyllura.
Shtetasja R. Xh., banesën e marrë me qira prej saj, së bashku me shtetasin E. D., i cili u kap në banesë gjatë ndërhyrjes së shërbimeve të Policisë, e kishin përshtatur për kultivimin e bimëve narkotike me anë të llambave, ndërsa punonjësit e OSHEE, nuk kanë konstatuar lidhjet e paligjshme të energjisë elektrike në këtë ambient, në zonën që ata kishin në monitorim.
Personat e proceduar janë kryeplaku i fshatit, dhe polici i zonës. Gjatë zhvillimit të operacionit janë sekuestruar 247 bimë kanabis të kultivuara në vazo, 45 ushqyes elektrikë, 46 llamba elektrike, 11 freskuese, shuma prej 120.000 lekë të rinj dhe 7 aparate celulare.
Discussion about this post