Klodian Omeri është vënë në pranga nga policia pasi ishte i shpallur në kërkim për kultivim lënde narkotike, ndërsa në kërkim vijon të mbetet Klajdi Miziri.
Shtëpia e barit e Klodian Omerit dhe Klajdi Mizirit u zbulua nga lidhja e paligjshme e energjisë. Omerit iu është caktuar nga Gjykata e Shkallës së Parë Vlorë, masa e sigurisë “Arrest në burg”, për veprat penale “Prodhimi dhe shitja e narkotikëve”, “Kultivim i bimëve narkotike” dhe “Vjedhja e energjisë elektrike’.
Omeri ishte shpallur në kërkim pasi në fshatin Nivicë, Sarandë, i kishte dhënë me qira një magazinë, Mizirit, i cili e kishte përshtatur atë si një ambient për kultivimin në kushte laboratorike të bimëve narkotike cannabis sativa. Materialet i kaluan Prokurorisë, për veprime të mëtejshme.
Discussion about this post