Qeveria ka vendosur që deri në fund të dhjetorit të gjithë fëmijët e Shtëpisë së fëmijëve në Vlorë, nga mosha 0-deri 15 vjeç, deri në dhjetor do detyrohen të kthehen në familjet biologjike apo birësuar. Kjo për shkak se do të hyjë në fuqi një tjetër reformë, e cila kërkon që pas një viti banimi në këtë qendër fëmijët të jepen për birësim ose të kthehen në familjet e tyre biologjike.
Shqetësimin për këtë çështje e kanë ngritur kujdestaret e këtij institucioni, të cilat thonë se ajo çka kërkon reforma e re nuk mund të bëhet në pak kohë. Sakaq, njëra prej tyre shprehet se qeveria i mashtroi, për shkak se në fillim iu tha që është vetëm një projekt, ndërsa me 15 nëntor iu paraqiti atyre urdhrin dhe afatin që fëmijët duhet të shkojnë në shtëpitë e tyre biologjike.
“Jam kujdestare për më shumë se 30 vitesh, fillimisht në 20 prill të 2020 na thanë se do të jetë projekt dhe pastaj na tha se është reformë. Fëmijët nuk pranohen më dhe i japin birësim më shpejt se më parë, largimi kaq i shpejtë i fëmijëve nga institucioni na ka shqetësuar të gjithëve. Të gjendet një zgjidhje, o të bëhet qendër ditore këtu dhe në darë të shkojnë nëpër familje, sepse familjet ndaj i sjellin se nuk kanë mundësi t’i mbajnë. Ata na mashtruan, njëherë thanë projekt tani nuk i pranojnë më fëmijët, që ata vijnë për probleme sociale këtu”, u shpreh njëra prej tyre.
Ndërsa një tjetër kujdestare tha se ky urdhër nuk duhet realizuar, pasi shumë fëmijë vijnë nga familje të dhunuara, çka e bënë të rrezikshëm kthimin e tyre atje. Sakaq, ajo shtoi se ka prindër që i sjellin fëmijët aty për shkak se nuk kanë mundësi t’i mbajnë dhe përderisa ty janë të gjitha kushtet nuk kanë pse të shkojnë në shtëpi kur nuk kanë as kushtet minimale.
“Forcimi i familjes biologjike kërkon kohë, duhet të punosh me prindërit. Nga data 15 që ne jemi paralajmëruar deri në dhjetor që mbaron afati nuk mund të zgjidhet kjo gjë. Sepse disa fëmijë vijën nga familje me probleme, që janë prindër të rinj dhe nuk përshtaten dot aq lehtë. Këtu janë të gjitha kushtet, ka shumë rast që në familjet biologjike ata nuk i kanë këto kushte. Ne nuk na janë sqaruarës si do procedohet”, tha ajo. Sipas tyre, ky vendim vjen në kohën kur rastet e dhunës në familje, përdhunime e fëmijëve dhe keqtrajtimet janë shtuar dhe kjo është e patolerueshme.
Në shtëpinë e fëmijës së Vlorës procesi është paraprirë qysh në shtator të vitit 2019- të. Ku me VKM është pasqyruar deinstitucionalizimi i fëmijëve pra mos pranimi i rasteve të reja duke minimizuar artificialisht numrin e fëmijëve që kanë hyrë në institucion.
Discussion about this post