Partia Demokratike ka reaguar pak pasi ish-kryeministri Berisha zyrtarizoi koalicionin me LSI në zgjedhjet e 6 marsit si dhe publikoi logon, dhe marrëveshjen e firmosur.
Sipas PD, ky koalicion zyrtarizon bashkëpunimin mes Metës, Berishës dhe Ramës, ndërsa shprehet se simbolizon korrupsionin dhe politikën e vjetër.
Gjithashtu, PD ka reaguar edhe për kandidatin e Berishës që doli nga primaret në Dibër, Premtim Kryemadhi që vinte nga fisi i Monika Kryemadhit dhe qe ishte bashkëshorti i Belina Zenelit, prokurore e dosjes “184” që u shkarkua një ditë më parë nga KLP.
“Kandidimi në Dibër i bashkëshortit të prokurores që mbrojti bandën e Edi Ramës, duke mos hetuar dosjen 184 të vjedhjes së zgjedhjeve në Dibër, është provokim i rëndë për çdo demokrat dibran që masakrën zgjedhore e provuan të parët në 2016. Premtim Kryemadhi mund të jetë kushëriri i Monika Kryemadhit, mund të jetë edhe bashkëshorti i prokurores që mbrojti dhe shpëtoi nga burgu Edi Ramën dhe bandën e tij, por me PD dhe demokratët nuk ka asnjë lidhje”, shkruan PD.
Sipas selisë blu, kjo shpjegon komunikim me sms midis Flamur Nokës dhe Ulsi Manjës, ndërsa shton se nëse Belina Zeneli do të zbatonte ligjin dhe do hetonte dosjen 184, Ulsi Manja do ishte në burg dhe jo në krye të Ministrisë së Drejtësisë.
Discussion about this post