Policia e Shtetit ashtu siç kishte njoftuar është duke mbajtur një konferencë për mediat në lidhje me operacionin e nisur prej mesditës së djeshme dhe që ka përfunduar në orët e para të mëngjesit të sotëm.
Pas këtij operacioni janë zbuluar dy “shtëpi bari” një në Selenicë dhe një afërsi të Vlorës.
Policia tha se kanë shpallur në kërkim pronarin e vilës, ku është zbuluar se kultivohej lëndë narkotike.
Po ashtu, blutë thanë se kanë sekuestruar 20 kilogramë kanabis, si dhe llamba, aspiratorë, ventilatorë etj. Në total, në këtë megaoperacion janë arrestuar 6 persona dhe 2 janë shpallur në kërkim.
Në pranga në fshatin Kropishtë, u arrestuan shtetasit Dritan Koçiraj, Niko Dhima, Florjan Çaushaj dhe u bë shpallja në kërkim e shtetasit Përparim Koçiraj.
Ndërsa në lagjen “10 Korriku”, u arrestuan në flagrancë shtetasit Ledjon Zahaj, Edmond Begaj dhe Gentjan Metushi si dhe u bë shpallja në kërkim e shtetasit Lorenc Xhaferri.
Discussion about this post