Strategjia e kultivimit të kanabisit në kushte shtëpie, e cila konsiderohet ndër vite si “traditë” në Angli, duket se së fundmi po gjen zgjidhje edhe në Shqipëri. Rastet e fundit demonstrojnë se “shtëpitë e barit” po nisin të lulëzojnë edhe në vendin tonë.
Gijotina.com më herët ka raportuar plot 19 raste të kultivimit të kanabisit në laboratorë të posaçme, ndërsa ajo që kryeson është qyteti i Krujës.
Zonat ku ka “lulëzuar” kanabisi
Kruja kryeson në lulëzimin e kanabisit për periudhën janar-prill, pasi janë konstatuar 5 baza të laboratorëve për rritjen e drogës në kushte shtëpie. Dy janë konstatuar në qytetin e Durrësit dhe tre raste të tjera në Tiranë.
Gijotina.com raporton se “shtëpitë e barit” në Tiranë u gjetën edhe afër qendrës, pranë ish-Parkut të Autobusëve. Por jo vetëm, veprimtaria kriminale e mbjelljes së drogës në mënyrë të paligjshme ka shtrirë tentakulat edhe në Shkodër, Kukës, Lushnjë, Vlorë, Sarandë dhe Lezhë.
Ajo që duhet veçuar në këtë veprimtari kriminale është se, janë përshirë edhe punonjës të administratës. Policë zonash apo punonjës të OSHEE-së kanë rezultuar se “i fshehin” rastet e kultivuesve të paligjshëm, të cilët me ose pa vetëdije kanë shpërdoruar detyrën.
Discussion about this post